JO: Skitour Heftihütte

Z Langnou si mer mau wider i Zug igstige. Acho bir Hirsegg, hei mer üses Konditionstraining mit Ski und Skischue uf em Rügge gstartet. Plötzlich isch üs doch no Schnee begägnet. Z Skitourefeeling isch spätestens jetzt ufcho. Bir Hütte hei mer üs ignistet und die erst Suppe verspise. Mir hei usegfunge das s Bouldere i de Skischue doch no aspruchsvoll cha si. Zum Znacht bi wunderschön Sunneuntergang hetz 5P (Petersilie, Pomodorro, Pene, Pana, PGruyére) Cinque Pie gä.

Baud isch über Wüsseschaft und Esoterik philosophiert worde, es paar het das schnäu us der Hütte tribe. Nach ere Rundi A***löcherle isch d Nidle vo Hang gschwunge worde und vor hochbegabte Bäckerin Karin mit Schoggipudding und Mouse agrichtet worde. D Gespräch hei denn schnäu a Niveau verlore ('sone huere Pleggerlampe drückt uf d Stimmig') und baud hei aui friedlich gschlafe. Am nächste Morge heimer d Hütte schön hingerla und Alouf für de Ufstig gno. 

D krääks si de no chli witr ufe und ds gmüetleche trüppli het sich scho a d abfahrt gwagt. Die isch mit meh oder weniger Schnee u genauso mit meh oder weniger Eleganz abglofe. Aber ou die Tour het es Ändi und das het iz ou dä Tourebricht gfunge. 

 

Teilnehmende: Sarah, Luca, Noah, Fabio

Leitung: Ädu, Karin