JO_Langnau-Header.jpg

JO LANGNAU

Drytooling

02.09.2017 - 02.09.2017 .............
Leitung: Resu, Kita
Teilnehmer: Benji, Marion, Rahel, Michu

 

Wius wit ache het gschniit hei mir üsi Pickle packt u si ga toole. Mitem Zug vo Langnou richtig Balsthal greist. Dert acho si mir afang mau iz Kaffi. Wo mir ner komplet si gsi, het üs Resu mit sire Limousine di erste 5 Minute Gehwäg erspart. Nachdäm z Materiau verteilt worde isch, simr los. Öppe am haubi si mir när ahcho u hei üsi Sache aghänkt u si a de Toprope wo Resu ir Zwüschezyt het ihghänkt, los picklet. I gloub nach der erste Route hei scho aui chli dr Pump i de Arme gspürt u si froh gsi dass mä ä Rundi het chönne sichere. Nach däm scho fasch aui di 3 Route hei gchlätteret, si mir i Mittag. Kita het de bedürftige es Kaffi mit sim Sturmchocher zuebereitet. Nachdäm aui ume gstercht si gsi, si mir ume lospicklet, teil bi de sänkrechte Route u teil bi de no chli stotzigere im Vorstig. Wo de langsam aui müedi Ungerarme hei gha, hei mir ahfa zämerume u hei üs ufe Rückwäg begäh. Aui si der Meinig gsi, dass es e cooli Ersatztour isch gsi! Z’fride si mir ume mitem Zügli oder Outo heigreist.

Bricht Michu

 

 

 

 

Copyright © 2017 SAC Emmental

Web-Umsetzung Day Design.