JO_Langnau-Header.jpg

JO LANGNAU

Napf

06.05.2017 - 06.05.2017 .............
Leitung: Benjamin Adam, Silvan Gerber
Teilnehmer: Viele: Sebastian, Florian, Fabian, Michu, Aila, Elio, Nadine, Silvan W, Andrea, Lisa, Dana, Sarina, Rebekka

 

Samstag 06.05.2017

Am Morge hei mir üs wegem schlechte Wätter ä Haubstung speter aus planet am haubi 8i am Bahnhof z Langnou troffe. Vo dert us si mir när mit 3 Outos iz Trueb gfahre u hei dert no 2 Teilnähmer ufglade. Ir Mettlenalp hei mir, für dass mir hei chönne parkiere aus ersts mau ir Beiz stiu gha. Für di meiste ä Ovo odr es Kaffi u di ganz extreme hei es Rivella gno. Wo z Wätter när o schöner isch worde unds het ghört rägnä si mir use und los glüffe. Ungerwägs hets geng ume vereinzelti Schneebauschlachte ghä mit de letzte Rästeli Schnee. Drbi hei meistens Elio u Michu z Schneemonopol gha u si drum im Vorteil gsi. Uf dr Route wo mir gwäut hei hets für aui öppis gha, vo de rostige Schlaghäge bis zum Pinguin. Obe ahcho hei mir hurti chli pöiselet u öppis gässe und trunke. Schliesslich si mir ume losglüffe richtig Tal. Mit em ne Bike häts vermuetlich meh spass gmacht. Uf dr ganze Wanderig isch viu plöiderlet u seich gmacht worde. Bim zrugg fahre id Climbox si mir vorher no id Kambly gha z Apéro ha. Ir Climbox hei mir när d Highline ihgrichtet u chli güebt bis es de het Z'mittag ghä. Nach de Spaghetti hei mir no chli Usbiudig gha. Für die wo no nid so güebt si gsi im Abseile, die hei das widerholt u dr Standbou i Mehrseillängine ahgluegt. Bir 2te Gruppe zgliche numme mitem ne Chnüppu im Seili. Nach däm Usbiudigsblock isch ono chli gchlätteret worde. Uf di haubi 5i hei mir d Climbox verlah u si ume hei zue.

 

 

 

Copyright © 2017 SAC Emmental

Web-Umsetzung Day Design.