JO_Langnau-Header.jpg

JO LANGNAU

Skitechnikkurs

04.02.2017 - 04.02.2017 .............
Leitung: Silä, Mätthu
Teilnehmer: Kita, Anne-Sophie, Elio, Mänu, Flöru, Michu

Am Samstig Morge het sich d JO-Langnou ufe weg gmacht richtig Zwöisimme. Nach äre Fahrt dür di zimmli grüeni Landschaft für die Jahreszyt, si mir am 9i acho. Nachdem sich aui mit Snow'n Rail hei usgrüstet hei mir üs sofort zum Skilift beghä. Uf dr fahrt geg ueche hei mir no d Lawinegfahr ahgluegt, wo wegem fehlende Schnee nid so gross gsi isch. Obe ahcho het Mätthu es chlises Ufwermä gmacht. Ahschliessend hei mir üs i zwöi Gruppe ufteilt u si üsi Bögli ga zieh. Bi Silä hei mir di verschidene Phasene vore Kurfe ahgluegt. Vo Fahrt zu Fahrt ischs geng wi Windiger worde, was nid aune so het gfaue. Es paar fahrte hets no ghä bis si ner hei ahfa d Gondeli icherume. Dunger im Tau hei mir üs ume versammlet u gluegt wenn dass der nächst Zug richtig Zwöisimme fahrt. E Teil het sich im Dorflädeli no öppis chlises z'Ässe gchouft. Am Bahnhof hei es paari fröid dran gha, dr Heum wo am ne unbeufsichtigte paar Ski isch ghanget z'versueche mit Schneebaue z füue. Glunge ischs nid... Nach däm mir ume z Zwöisimme si ahcho si mir no eis ufe lift am Rinderberg wo zum glück no isch glüfe. Gmeinsam si mir ache gfahre u hei ungerwägs no üsi Ruckseck ufglade u si witer bis i Bügu wo mir si gha Zmittag ässe. Es het aui sehr guet dünkt! Wo mir üses z'Mittag hei gässe gha si mir ume ganz i z Tau ache gfahre. Vorem ueche fahre hei mir no d Leiter tüschlet u si ner ihgstige. Am Nami hei mir no chli Churzschwung ahgluegt u güebt abr nach 3 Abfahrte isch leider scho Zyt gsi für z höre. Troffe hei mir üs ume im Aprés Ski wo mir no uf de cool Tag hei ahgstosse. Abr es isch no witer gange: mir hei no zu Silä chönne gha z'Nacht ässe! Mit Liedli singe u chli gitärele hei mir üs no ungerhaute bis mir hei chönne ässe. Nach de Spaghetti het sich d Mehrheit ufe zug beghä u isch ume zrugg iz Ämmitau gfahre.

 

Bricht vo: Michu

Copyright © 2017 SAC Emmental

Web-Umsetzung Day Design.