JO_Langnau-Header.jpg

JO LANGNAU

Einsteigerskitour Kemmeriboden

14.01.2017 - 14.01.2017 .............
Leitung: Dino Steinmann
Teilnehmer: Rebekka, Michu

Dr Jahresuftakt vor JO het wi scho letscht Jahr mit dr Ahfängerskitour gstartet. Dr gross Ungerschid zu letscht Jahr isch dr vorhanden Schnee gsi! Mir hei üs ca. am viertu ab 8i ir Climbox troffe (ussert di vo z fuh si gsi für d Ski ueche u ner ume achetrage). Nach dem sich aui mit Materiau hei ihdeckt si mir ufe 5 ab 9i Zug richtig Chemeribode. Im Poschi si di coole natürlich z hingerst ghocket. Am 10i im Chemeribode ahcho hei mir di churzi Theorie vo Silä zum Fällimontiere ahglost und no dr LVS-Test gmacht. U sofort si mir los glüfe. Nach dr heufti si mir ner ab dr Strass u i richtig Schnee. Flöru isch zu üsem Pistefahrzüg worde u het e super Spur dür de cool Powder zoge. Ab gseh dr vo dass es veiechli het gluftet u di ganz Zyt het gschneit isch super Wätter gsi. Nach es paar Höhemeter si mir bim ne chline Stau ahcho u hei üs dert mit chli Wandergüetzi u Wanderschoggi gstercht. Ner het üs Silä no verzeut wie me d Fälli richtig demontiert u wis ize witer geit. Witer geits mit dr Abfahrt. Teu hei chli di schönere Bögli gmacht u Teu chli di grössere Badwanne. Aui ganz dunger bir Blockhütte ahcho hei mir üs no einisch mit ere heisse Schoggi ufgwermt. Nach däm mir aui ume warm gnue hei gha si mir no di obligati LVS-Üebig gha mache. Aui LVS ume gfunge si mir dr Reste uf dr Strass mit skate ache gfahre u i z Poschi ihgstige u zrugg uf Langnou gfahre. Fazit: Es richtigs cools Erlebniss mit Widerholigsbedarf.

Copyright © 2017 SAC Emmental

Web-Umsetzung Day Design.